Izithakazelo Nomlando Wabantu BakwaNyawo

On

Izithakazelo Nomlando Wabantu BakwaNyawo

Mlaba!
Ximba!
Dumakude!
Nyawo zeshongolol’ azibaleki,
Umthandi wabantu bengamthandi
Indumanduman’ edum’ ezizweni
Hlath’ elikhulu elihlala lilil’ izingwe nezingonyama
Langa likhanyisela bonke
Wena kaSobhuza!

Umlando wabo
UNyawo kade akhe eJozini lapho wayehamba nabantu bakhe lapho ayengumholi wabo. Uthe uma esuka eJozini walibhekisa enyakatho nayo iJozini endaweni ebizwa ngokuthi iseHlathikhulu. IHlathikhulu iphakathi koPhongolo neBombo, indawo edume ngokuthi kuseKwaliweni. Unyawo wahlalisana nalabantu kulendawo ngaphandle kokuphazamisana nokuhlukumezana kwaba mnandi eside isikhathi. Phela omakhelwane babo kwakungabantu bakwaMngomezulu, oGumbi noMathenjwa kanye nabanye.

Isikhathi labantu bakwaNyawo bebelwa ngaso, ingoba besukeliwe bahlaselwa kuqala, manje bebelwa ukuzivikela ezitheni uma zibahlasela.

Kuthe ngokuhamba kwesikhathi, uNyawo wase eba namadodana, endala wayiqamba igama wathi uXimba elandelayo wathi uMlaba kwase kuba uShange. Isilo saseMgungundlovu salwa impi noMpande, impi eyaduma kakhulu ngokuthi impi yaseMaqongqo lapho iSilo sahlulwa khona. Ngalesisikhathi sempi bamkhoselisa khona uNyawo kwaze kwaba ukudlula kwakhe emhlabeni egudluzwa yibambabukhosi okwabe kunguSilevana kaDlambula wakwaNyawo.

Izibongo zakwaXimba, Mlaba noShange zaphuma kuNyawo. Isizathu sokuthi zihlukane kangaka lezizibongo, kusolakala ukuthi ngemuva kokukhothama kukaNyawo, umndeni waxabana wase uba noqhekeko. UXimba noShange bahamba baliduba ikhaya balibhekisa kude neningizimu yezwe. Bafika lapho base bazinza khona bakha. Abanye balibhekisa eMampondweni lapho babizwa ngokuthi bangoNyawose. Ngenxa yalengxabano eyaba khona kulomndeni, base bethi ubuhlobo abukho baqala baganiselana uXimba noShange.

Labantu bakwaNyawo baba nenhlanhla yokungahlaselwa iLembe njengezinye izizwe ngenxa yokuba abantu bokuthula. Kwathi kodwa lapho uSambane kaNhlongaluvalo esebusa, bahlaselwa yinkosi uLubelo kaZondiwe wakwaMngomezulu belwela eSovane. Impi kaLubelo eyayiholwa nguMashumi yalwa yaze yagoba uphondo. Ubeke wahlasela kaningana uLubelo ngoba uhlasele noMtshelekwana kaGamula wakwaMathenjwa wamjaha wawela umfula uLuthuthu lapho okuhlukana khona izwe laKwaZulu nelaseSwazini.

Inkosi uSambane kwakungumngani omkhulu weNkosi uMtshelekwana wakwaMathenjwa futhi ingumngani weNkosi uNtini wakwaGumbi. Bathi kwaNyawo kukhona insizwa eyayingazwani nhlobo namanzi igama layo uNjono. Uma bethi ayigeze ikhale ngokuthi isiyogezwa amazolo iye kolala ingazange igeze. Yingakho kwizithakazelo zabo kuthiwa, “ONyawo abagezi bagezwa ngamazolo.” Lenkosi uSambane ibuse isikhathi eside yaze yakhothama.

Ref: ulwazi.org

Izithakazelo Zakwa Simelane

By admin

On

In Izithakazelo nomlando

Izithakazelo Zakwa Simelane

Simelane,
Magutshwa!
Mpembe kaLokothwayo,
Simelane kaNdlovu!
Ndletshana zimqewana,
Ndletshana zikhanya ilanga!!!

Izithakazelo zakwa Mpisane

By admin

On

In Izithakazelo nomlando

Izithakazelo zakwa Mpisane

Mpisane,
Vosho,
Gezane,
Mabona bulawe njengenyamazane,
Wena mpisi ayihlangulwa ihlangulwa abayaziyo !!!

Izithakazelo nomlando wakwaKhumalo

By admin

On

In Izithakazelo nomlando

Izithakazelo nomlando wakwaKhumalo

Abantu bakwaKhumalo bangaMantungwa Nguni ngokwezigaba zabaNguni , babuye babe ngaMantungwa kaMbulazzi ngokobuzwe . Lesi sibongo sakwaKhumalo siyindlu encane yaMantungwa kaMbulazi , indlunkulu eyakwaMabaso . U-Mntungwa indodana kaMbulazi wabe enamadodana amabili ,u-Mabaso kanye nomnawakhe u-Khumalo .

Umuntu esiqala ukuzwa ngaye kulesi sibongo sakwaKhumalo nguye u-Khumalo owayeluqhamukise enhla nezwe ekanye nomnewabo u-Mabaso .Laba bantu bakwaKhumalo bafika bazinza endaweni yaseBabanango kuhambe njalo kuze kuyofika eNondweni . U-Khumalo wazala u-Mkhatshwa , u-Langa kanye noYengwayo ongukhokho wabantu bakwaNgubeni kanye nabakwaNkomo .Ngakho-ke abantu bakwaKhumalo , abakwaNkomo kanye nabakwaNgubeni bayizihlobo zegazi.

Ziyatholakala izikibha ezinezithakazelo zakwa Khumalo! Call/ Whatsapp: 061 868 5163

t-shirt price: R200
Hoodie price: R400

Thola esakho isikibha, whatsapp kule nombolo: 061 868 5163

U-Langa wazala u-Manzamnyama owazala u-Kholo owazala u-Mncumbatha owazala u-Mhlaba noMtshede . U-Langa wabuye wazala u-Mdetshe owazala cishe wonke aMantungwa aseMpulanga Koloni esingabala kuwo abakwaMacozoma , Tshangana , Phukwana , Sjemlana , Noyila , Ndlungwane , nabanye . Indlalifa kaMkhatshwa kwakunguZikode owazala u-Gasa (indlalifa) , u-Mashobana(ikhohlo)noMagawozi(iqadi) . U-Gasa wazala inkosana u-Magugu owazala u-Nkonyeni owazala u-Mthezuka owazala u-Mazungeni owazala uMandlalela .Endlini yasekhohlo u-Gasa wazala u-Donda owazala u-Maqandela owazala u-Mmbiyane . Eqadini u-Gasa wazala u-Siwela owazala abakwaNkosi oNdlangamandla esizabuye sixoxe ngabo.

U-Mashobana wazala u-Mdleleni (owazala abakwaNyawose esisazobuye sixoxe ngabo ) , u-Makhatha , u-Nzeni , u-Mzilikazi , u-Ntshembeni [owazala abakwaNtshembeni esisozobuye sixoxe ngabo ] , u-Njiya , u-Gqugqu , u-Noziwawa nabanye . Uzalo lukaMashobana lutholakala kakhulu kwelaseButhonga , koJozini , Mhlabuyalingana , nakoManguzi . Iningi labo lingabesende likaNjiya kanye nelikaNtshembeni . UGqugqu neNzeni bafa bebulawa ngumnawabo u-Mzilikazi ngoba ebasole ngokuthi babecheme noZulu ngenkathi yena u-Mzilikazi elwa exabene neLembe ngodaba lwezinkomo ayezidle kuHanesi wabeSuthu eHarrismith ethunywe yilona iLembe . U-Ntshembeni yena wasinda kulolo hlaselo lukaMzilikazi wabaleka walibhekisa eMozambikwe ngoba kwakusekhona aMantungwa akwaMabaso kuleliya zwe . Kwathi lapho ezwa ukuthi umnawakhe u-Mzilikazi wayeselifulathele elakwaZulu kwayima ebuya-ke u-Ntshembeni wafike wakha lapho sekulidolobha laseJozini khona .

U-Magawozi kaZikode yena wazala u-Bheje , u-Mabhede noNgazana . Zonke lezi nsizwa zafa zibulawa yiSilo uDingane zifela izino zomnewabo iSilo saseMhlahlandlela u-Mzilikazi esasixabane nabakwaZulu . Kusuke kushiwo yena u-Bheje Khumalo ezibongweni zeSilo u-Dingane uma kuthiwa ‘Obhambathe iNgome phezulu , izinkomo zikaBheje zaphuma zamlandela . Ziphume zinqini zonkana’

U-Mzilikazi wazakhela igama ngesikhathi soMfecane ngokuzakhela isizwe sikaMthwakazi esasinezigodlo ezidlula ama50 ngesikhathi sakhathi sakhe .Kulezo zigodlo singabala esasOJingeni , eNdinaneni [sabe singesikaYise] , eMhlahlandlela , eMncwazini , eMkhwahla , nezinye . Ezinye zezigodlo zakhe zazakhelwe eMosega eNorth West kanye naseGauteng. Omunye umuntu owagqama kakhulu kulesi sibongo sakwaKhumalo nguMahlangeni kaGawozi Khumalo owabe eyimbongi yeSilo u-Cetshwayo kaMpande.

U-Mahlangeni wabe engowendlu kaDonda kaGasa nokuyindlu yaseZizibeni .Yena -ke wabe eyimbongi enkulu yeSilo u-Jininindi kaNdaba , wafela empini yaseMsebe ngenkathi uMntwana uZibhebhu ehlasela uZulu . UMntwana uZibhebhu wayehlome eyizingovolo ehlonyiswe ngamaNgisi ngezibhamu . AbakwaKhumalo abaseSwazini bangabesende likaMgangeni owazala u-Sisile owagana iSilo u-Mswazi wesibili kwazala u-Mntwana u-Ludvonga owafa ebulawa ngumfowabo uMbandzeni . Abanye babo bangabesnde likaMgcoyiza kanye noZiqu kaJele . U-Ziqu kaJele wabe eyinduna enkulu yakwaMaseko ehola ibutho i-Hlangabeza . Ubukhosi bukaMgcoyiza nabuya endaweni yakwaHlathikhulu eSwazini ngaphansi kweNkosi u-Makhosikhosi

Ake ngime lapho ! BeNtungwa nibahle nonke !

IZITHAKAZELO ZAKWA-KHUMALO

Mntungwa,
Mbulaz’omnyama,
Nina bakaBhej’eseNgome,
Nin’enithi nidla beniyeng’umuntu ngendaba..
Nin’enadl’izif’ezimbili ikhambi laphuma lilinye.
Lobengula kaMzilikazi.
Mzilikazi kaMashobane,
Shobana noGasa kaZikode.
Zikode kaMkhatshwa,
Okhatshwe ngezind’izinyawo nangezimfushanyana,
UMkhatshwa wawoZimangele,
UNyama yeNtini yawoZimangele,

Nin’enal’ukudl’umlenze kwaBulawayo,,
Nathi mlenze wankoni lo?
Ubungekho yini owezinkomo zakithi eNgome?
Donda weziziba akangakanani ngoba nasothini lomkhonto uyahlala
Nina enehlula abeSuthu, noShaka engazange abehlule
Mabaso owabas’entabeni kwadliwa ilanga lishona.
BaNtungwa abancwaba.
Zindlov’ezibantu.

Zindlov’ezimacocombela.
Nin’abakwaMawela owawel’iZambezi ngezikhali.
Nin’abakwaNkomo zavul’inqaba,
Zavul’inqaba ngezimpondo kwelaseNgome zahamba,
MaNtungwa Aluhlaza,
MaNtungwa Amahle,
Bantwana benkosi,

Nin’abakwaNtokela.
INkubela abayihlabe ngamanxeba,
Abakhule ngezinyawo ezimfishanyana nezimaqhukulwana,
Inyang’abathe beth’ifil’uZulu kanti isiyethwese.
Yethwese ngonyakana kaMpeyana,
UBando abalubande balushiy’uZulu.
UNtshwintshwintshwi kaNoyanda kaNdaba,
UNkone evele ngobus’emdibini,
Ndabezitha!!
Maqhaw’amakhulu!!!