Amabizomuntu
Personal nouns : Nouns that denote human beings
Eg : ubaba , intombazane , umfana, umalume, usisi, ugogo.
Category: Izithakazelo Page 20 of 147
Sigudo Clan Names
Uma kukhona onolwazi ngezithakazelo zakwa Sigudo, sicela uzithumele kule email: [email protected]
African Hoopoe
E-Afrika kunezinhlobo eziningi zezinyoni. Lezi zinyoni zehlukaniswa ngokwemikhakha emithathu emikhulu: omadl’imbewu, omadl’umpe nomadl’ezinye. Izinyoni ezincanyana ezidla imbewu zinemilomo emincane yokunqampuna uhlaza, ekubeni omadl’ezinye banamazipho nemilomo ebukhali ukuze babambe baphinde babulale izilwane eziwukudla kwabo.
IKruger National Park iyikhaya lomadl’ezinye abaningi
Amanqe atholakala ezinkalweni ezimaphakathi ikakhulukazi, ekubeni izinkozi zithanda amahlathi axubile eduzane nemigudu yamanzi lapho ukudla kwazo kukuningi khona.
Kungani izinyoni zifuduka?
Isizathu esikhulu sokufuduka wukufuna indawo enokudla okwanele, okuyindawo efudumele. Ukudla (imvamisa amabhungane nezintuthwane) kuyancipha ezweni lazo lomdabu ngenxa yokubanda kwesimo sezulu. Ngakhoke ziyaphoqeleka ukuba zihambe amabanga amade ukuze zifinyelele lapho ukudla kuyinala khona. Yilapho zikwazi ukufike zizalane zande khona.
Yini umehluko phakathi kwamahobhe namajuba?
Empeleni kawukho umehluko wenyama phakathi kwamahobhe namajuba njengoba engumndeni owodwa. Sisebenzisa ubungako bawo ukuwehlukanisa, ihobhe liba ngelincane phakathi kwawo womabili. Ijuba lingelomndeni omncane onohlobo olulodwa olubizwa ngamajuba – okungamajuba aluhlaza afana nopholi. Ijuba leli elejwayelekile empeleni liyihobhe nalo. Kodwa-ke ukuze inkulumo yethu icace, sizolokhu silibiza ngejuba.
Kungani isigqobhamithi sibhoboza izihlahla?
Isiqgophamithi sigqobhoza isihlahla ngenhloso yokubheka izinhlamvana noma izilwanyana ezingenamgogodla ezicasha ngaphansi kwegxolo. Le migodi iphinde ibe yizidleke. Ukuqgoboza isihlahla kuphinde kube yindlela isigqobhamithi esixhumana ngayo nezinye.
Kungani omadl’ezinye bendizela phezulu?
Ukundizela phezulu kuvamile ezinyonini eziningi futhi kubhejezelwa wumoya oshisayo. Lena yimisinga yomoya onyukayo usuka phansi emhlabathini. Izinyoni zendlala amaphiko kuwona ukuze zonge amandla futhi zihlale zintanta. Ukuzulazula lokhu okubonayo usenhlabathini kwenzeka uma inyoni izama ukuhambisana nemisinga. Ukuntanta kokhu kwenza omadl’ezinuye bekwazi ukubona kahle ukudla kwabo kude phansi emhlabathini. Omadl’ezinye banamehlo abukhali.
Amanqe angazingela na?
Noma enamandla okwenzenjalo ngokwenyama kodwa amazipho nezinzwane zawo akuqinile njengakho kwabanye omadl’ezinye. Amanqe ayizinyoni ezihamba zibe wumhlambi futhi ziyakwazi nokwesabisa ngobuningi bazo. Yingakho engadingi ukuzingela njalo. Kukhona izinhlobo ezithile zamanqe ezikwazi ukubulala izilwane ezincane ezinemigogodla njengamagundane nezixhumo zezinyamazane imbala.
Ukhona yini umehluko phakathi kwamahansi namadada?
Ngokufanayo nenkinga yehobhe nejuba, empeleni ihansi liyidada. Zingamalungu omndeni owodwa. Idada lomfula lethiwe kanjalo ukwenzela ukuthi izinto zibelula. Amahansi aqanjwa ehluka ngoba ebonwa eyinto ethile ephakathi kokuba yidada nedada lomfula. Kubonakala sengathi umehluko phakathi kwamahansi namadada ukwakhiwa kwezidleke. Amahansi akha izidleke ezimbotsheni zezihlahla.
Ngabe izikhova zithi hhu hhu?
Cha, izikhova kazisho ukuthi ‘hhu, hhu’ kodwa zishaya umlozi noma ziklokloze. Le misindo yenziwa yisikhova uma siphefumula futhi iyindlela yokuzikhangisa nokuxhumana nezinye. Kutholakala ukuthi ukukhala lokhu kwenzeka kakhulu ngaphambi kokuzalela nokufukamela.
Yini umehluko phakathi kohebe nezinkozi?
Uhebe inyoni enezimpiko ezicijile, ezingela emoyeni. Ohebe kabazakhi izidleke zabo kodwa basebenzisa ezabanye omadl’ezinye. Izinkozi zinemilenze engenamaqubu, enamazenga futhi zinozwane oluseceleni oluhlehlisekayo. Zakha izidleke zazo ezishiya kuzo amaphuphu azo uma ziyozingela
Amagama amqondofana angamagama anikeza umqondo ofanayo, noma anencazelo efanayo, asho into eyodwa.
| amanzi ∼ amadambi |
| casuka ∼ dinwa |
| hlomula ∼ zuza |
| igceke ∼ ibala |
| igwala ∼ ivaka |
| ikhala ∼ impumulo |
| indlela ∼ inyathuko |
| indlu ∼ inkatheko |
| indoda ∼ injeza |
| inja ∼ ingcanga |
| isibhamu ∼ umkhono wekati / izulu lezandla |
| iso ∼ iqaphelo |
| isu ∼ icebo |
| liyana ∼ kuyanetha |
| phuza ∼ natha |
| ubhozo ∼ uqukula |
| ukudla ∼ ukumaya |
| ukuhlangana ∼ ukunqwamana |
| umbani ∼ umphazimo |
| umfana ∼ umkhapheyana |
| vimba ∼ nqanda |
| uvalo ∼ itwetwe / ingebhe |
IZINGCEZU ZENKULUMO:
1. Usobizo
2. Isichasiso
3. Isilandiso
4. Isikhanyiso
5. Isibabazo
6. Isihlanganiso
Asiyicubungule kahle-ke lento (Analysis by revealing sub-headings):
1. Usobizo = igama elisebenza ngengomenzi noma umenziwa emshweni.
* Ibizo (noun)
* Isabizwana
– sokubala (zonke, bonke, ngedwa, sonke etc.)
– sokukhomba (lo, loya, loyaya)
– soqobo (yena, bona, zona, thina)
2. Isichasiso = igama eisichazela ngobunjalo buka sobizo / describes uSobizo
* Isiphawulo : adjectives isib. -ncane, -khulu, -fushane, -de, -ningi, -hle, -mbi etc.
* Isibaluli : (usually colours) isib. elimhlophe, elimnyama, elimnandi, ezimbalwa
* Ongumnini : Lisitshela ngokuthi into ingekabani/yakhiwe ngani/ isetshenziselwani noma kuphi/
* Inani : (-ni, -nye, -phi, -mbe)
isib. Muntu muni ofike la?
Munye umuntu okhulume nami.
3. Isilandiso = yigama elisilandisa ngokwenziwa uSobizo:
* Isenzo (verb) : lisitshela ngokwenziwa usobizo
isib. Umama uthethise umfowethu.
* Isibanjalo : lisitshela ngobunjalo bento.
Kusetshenziswa iziqalo: yi-, wu-, ng-
isib. Ubaba yibhubesi.
4. Isikhanyiso = igama elisikhanyisela ngokuthi isilandiso senziwe kanjani
* Isandiso : sendawo, senkathi nesesimo
* Isenzukuthi
isib. UNonjie uhleli dekle akenzi lutho.
5. Isibabazo = igama elikhombisa ukubabaza.
Kungaba ukubabaza okuveza:
– Injabulo (Halala! Ngcingci!)
– Ukunengwa/Ukudinwa (Nxa!)
– Ukunxesezela (Nxese! Phephisa!)
– Ezokulwa (Ashila! Maluju!)
-Ezokwenqaba (Cha! Chabo! Chabobo! Qhabo!)
…etc
6. Isihlanganiso (conjunction) = lihlanganisa imisho emibili
isib. Geza izitsha anduba uyolala.
Qoqa izimpahla bese ukhipha izibi
Imvelaphi yakwa Hlwatshwayo
IMVELAPHI YEGAMA ELITHI HLATSHWAYO
-uHlatshwayo wayengo wakwa Nkosi ebukhosini baseSwazini. Kwenzeka ukuthi omunye wabantwana basendlunkulu walala nodadewabo owayezalwa naye kunina.
Wayesethi ke yena umndeni wakubo umhlabile ngoba umfowabo ulale nodadewabo ngakho usezibiza ngokuthi unguHlatshwayo.
Isizwe saqanjwa nguye uHlatshwayo njengoba esephuma emndenini wakhe kwaNkosi ngoba ehlatshiwe eqa imingcele yaseSwazini afike akanise phezu koPhongolo kanye nabafowabo. Kuyilapho esezozala uNgwanya.
(Another version)
UHlatshwayo uyena owenza isenzo esamenza wadatshulwa, waxoshwa negama lakhe lakhishwa olibeni (lineage) lomndenini wakwaNkosi. Wabaleka wabe eshintsha igama lakhe waba uHlatshwayo.
(Another version)
UHlatshwayo noNgwane bazalwa inkosi uLanga. UHlatshwayo owayeyizibulo wayengeke abe yinkosi ngokomthetho wamaSwazi ngakho wasuswa eduze kwenkosana wabekwa eLucolweni abanye bathi eNgongweni. Lokhu kwenzelwa ukuthi angabangisi uNgwane.
Igama likababa kaHlatshwayo alitholakali ngokugcwele, abanye bathi uDlamini (don’t knw which one as there are 3), abanye bathi uLanga kaNkosi II.
Hlatshwayo surname origion
IMVELAPHI YEGAMA ELITHI HLATSHWAYO.
-uHlatshwayo wayengo wakwa Nkosi ebukhosini baseSwazini. Kwenzeka ukuthi omunye wabantwana basendlunkulu walala nodadewabo owayezalwa naye kunina.
Wayesethi ke yena umndeni wakubo umhlabile ngoba umfowabo ulale nodadewabo ngakho usezibiza ngokuthi unguHlatshwayo. Isizwe saqanjwa nguye uHlatshwayo njengoba esephuma emndenini wakhe kwaNkosi ngoba ehlatshiwe eqa imingcele yaseSwazini afike akanise phezu koPhongolo kanye nabafowabo. Kuyilapho esezozala uNgwanya.
(Another version)
UHlatshwayo uyena owenza isenzo esamenza wadatshulwa, waxoshwa negama lakhe lakhishwa olibeni (lineage) lomndenini wakwaNkosi. Wabaleka wabe eshintsha igama lakhe waba uHlatshwayo.
(Another version)
UHlatshwayo noNgwane bazalwa inkosi uLanga. UHlatshwayo owayeyizibulo wayengeke abe yinkosi ngokomthetho wamaSwazi ngakho wasuswa eduze kwenkosana wabekwa eLucolweni abanye bathi eNgongweni. Lokhu kwenzelwa ukuthi angabangisi uNgwane.
Igama likababa kaHlatshwayo alitholakali ngokugcwele, abanye ba uDlamini (don’t knw which one as there are 3), abanye bathi uLanga kaNkosi II.