Itshe lomelele inhlama
Lesi simo sokukhuluma sisetshenziswa uma kukhulunywa ngokungabibikho kwento noma umuntu……
Kususelwa etsheni lokugaya
Uma ngabe kugaywa itshe lisuke lisebenza lisalele inhlama. Uma itshe lingasasetshenziswa inhlama iyomelela etsheni okusho ukuth akusekho okuyogaywa. Yingakho nomuntu mayethole kungekho bantu athi ngithole itshe lomelele inhlama.
Ukusenga ezimithiyo
Ukukhuluma into engekho noma ukuqamba amanga
Kusukela enkomeni uma imithi ayilukhiphi ubisi….ukuyisenga kuyafana nokwenza into engekho.
Ukuhlangana nezimbila zithutha ziholwa emhlophe phambili
Incazelo: ukuhlangabezana nobungozi noma ubunzima
#umsuka: izimbila zihlala emgedeni uma zithutha zisuke zixoshwa esinye isilwane sasendle esaziwa ngokuthiwa umdlambila…..mazithutha-ke emhlophe esuke ihamba phambili esingathi inkosi yazo lapho-ke, into ezike zahlangana nayo nje ziyayilwisa, zisuke zingesabi lutho ngoba zikholelwa ekthenini abukho obunye ubunzima obundlula lobu eziphuma kubo
Impi yosongo kayilwi
kusho ukuthi abantu ngisho abantu bangasongelana kanjani akuvamile ukuthi balwe…..baze bashayane ngezandla.
Akulahlwa mbeleko ngakufelwa
Incazelo: ukuthi wenzakalelwe yinto embi akusho ukuthi lahla ithemba.
Umsuka: imbeleko eyokubeletha umntwana, uma ngabe usufelwe abantwana akusho ukuth lahla leyo mbeleko ngoba usengabathola abanye abantwana
Kuthiwa umuntu wesifazane akasho ukuthi uyashiselwa kufanele athi uzwela ukushisa.
mawuthi uyashiselwa kusho ukuthi ufuna indoda la.
noma igazi likuthuma elawini…kodwa ezikhathin zamanje umuntu usezikhulumela inoma ikanjan nje.
Akusilima sindlebende kwabo:
Loku kusho ukuthi noma ungaba uhlupho kanjan emphakathin kodwa abakin bayohlale bekthanda futh bakwamukele
Ukuphuma inqina kaMabuyaze
ukubuya ungaphethe lutho
inqina ibutho elalijutshwe ukuba liyofuna imfuyo labuya lingaytholanga
kaMabuya(ze)
ukubuya+ize(into engekho)
Ukuthwala ngeqoma
Kusho ukuthembela entweni
iqoma yinto eyakhiwa ngotshani obuqinile ukuze ikwazi ukuphatha okuthile, yakhiwe njengomphongolo…..isetshenziswa ukuphatha izipho intombi esuke izipha isoka layo ngenhloso yokuthi iyethembela kulo lelo soka ukuth lizomuphatha kahle
isibonelo: iBafana Bafana ngiyithwele ngeqoma ngoba izobhekana neCongo koweAfrica Cup of Nations.
Iqhina liphume embizeni
kusho ukuphunyuka kwento/umuntu okade esebanjiwe
iqhina uhlobo oluthile lwenyamazane
imbiza lana kusuke kukhulunywa ngabantu abasuke belikakele bavula iskhala sokuth liphume khona bazolishaya kahle lona nje livele lingaphumi lapho lithole enye indawo libaleke.
Powered by WordPress & Theme by Anders Norén