Isisombululo – uma inkinga noma isimo esinzima sendaba, somdlalo noma senoveli sixazululwa.
Isiqalo – izinhlamvu ezisetshenziswa ekuqaleni kwamagama, eziletha izincazelo ezithile (isib. umu-ntu/aba-ntu, ulu-thando, ubu-thongo).
Isijobelelo – izinhlamvu ezifakwa ekugcineni kwamagama, eziletha incazelo ethile emagameni, (isib. isikhukhukazi, inganyana, emlonyeni, njll).
Isihlonipho – igama noma inkulumo ekhomba inhlonipho kunokuthi kusetshenziswe eliqondile (isib. inkosi ikhotheme/ubaba usuthi, kunokuthi, ishonile/udakiwe).
Isifaniso – indlela engaqondisi yokuqhathanisa izinto kusetshenziswa amagama anjengo ‘fana’ noma ‘njenga’ (Osopolotiki bafana nezinkunzi ethelwe ngezibonkolo, Uthule njengalamagundane asesontweni).
Isigqi – imisindo ehlelekile ngokufanayo futhi enephethini eliphindwayo (isib. izinhlamvu ezigqizelelwayo nezingagqizelelwa).
Isici sokucwasa – umbono okhonkeliwe (futhi ocwasayo) ngobunjalo bomuntu othile (isib. abesimame, abaqhamuki, ngohlanga oluthile).
Isenzo (ingxenye yenkulumo) – amagama akhomba ukuthi inhloko emshweni yenzani (isib. uyafunda, umshayeli wadonsa imoto).
Isabizwana – igama elimele ibizo, (isib. Mina, yena, zona njll.).
Ipholavuthondaba – yingxenye ehlaba umxhwele engasekupheleni kwendaba noma komdlalo.