Impindwa – yingxenye yeculo noma yenkondlo ephindwayo, ikakhulukazi ekugcineni kwalelo nalelo vesi.
Inkulumo eqondile – amagama aqondile ashiwo ngokhulumayo. Imvamisa kusetshenziswa izimpawu zokukhuluma uma kukhonjiswa inkulumo eqondile (isib. “Ngiyafa ngawe mntanekhehla,” kwasho uVelabahleke.
Inkulumo engaqondile – lapho amagama okhulumayo ebikwa ngomunye umuntu (isib. UVelabahleke wathi uyazifela ngaye).
Inkathi – isikhathi esikhonjiswa yisenzo (isib. (uyagijima) inkathi yamanje (kade egijima) inkathi edlule).
Imisho embaxa – umusho onomqondo osemqoka, kodwa ongakwazi ukuzimela wodwa, kanti futhi uneminye emincane engaphansi kwawo (isib. Indoda, ethenge imoto eyisekeni yagoduka yaya eGoli, isafuna umsebenzi).
Imisho emagatsha – umusho owakhiwe yimiqondo emibili ebalulekile yase ihlanganiswa ngesihlanganisi, (isib. Uye edolobheni futhi wathenga nekhathoni lobisi).
Ifuzamsindo – lapha kusetshenziswa igama elimsindo walo ufana nomsindo lowo ochazwayo. Lilingisa umsindo owenziwa yinto ethile ephilayo noma engaphili. Lowo umsindo ofuze umsindo owenziwa enye into (Isib. ukubhunga kwebhungane, ukuxokozela kwamaxoxo).
Ifanamagama – yigama elibizwa futhi libhaleke ngendlela efanayo njengelinye kodwa linencazelo ehlukile (isib. ithanga, umuzi).