Tag: Mzilankatha

admin

Izithakazelo zakwa Khambule

Mncube!
Mzilankatha!
Nina bakwaNkomo zilal’uwaca
Ezamadojeyana zilal’amankengana
Mlotshwa!
Malandel’ilanga
Mpangazitha!
Magosolo!

Nina basebuhlen’obungangcakazi
Abadl’umbilini wenkomo kungafanele
Kwakufanel’udliwe ngabalandakazi
Nina bakaDambuza Mthabathe
Nina basemaNcubeni
Enabalekel’uShaka
Naziphons’emfuleni
Kwakhuz’abantu banifihla
Naphenduk’abakwaKhambule
Nafik’eSwazini

Naphenduk’uNkambule
Nina baseSilutshana
Nin’enakhelana noMbunda
Nina bakaMaweni

admin

Izithakazelo zakwaMncube

Khambule,
Mzilankatha,
Inkatha kayingen’endlini,
Yangena kubola izinkaba zabantwana,
Nina bakaNkomo zilal’uwaca,
Ezamadojeyana zilal’amankengana,
Mlotshwa,
Malandel’ilanga umaliyoshon’emaNcubeni,
Mpangazitha, Magasolo,
Nina basebuhlen’obungangcakazi,
Abadl’embeleni wenkomo kungafanele,
Kwakufanel’udliwe ngabalandakazi,
Nina bakaDambuza Mthabathe,
Nina basemaNcubeni enabalekel’uShaka naziphons’emfuleni,
Kwakhuz’abantu benifihla,
naphenduk’ abakaKhambule,
Nafik’ eSwazini naphenduk’uNkambule,
Msuthu,
Mncube onsundu ngezinyawo zakho,
Wen’oyithath’iNkosi uyibek’enhlabelweni,
Nina baseSilutshana,
Nin’enakhelana noMbunda,
Nina bakaMaweni,
Nzimande,
Mncaphayi, Shezi,
Malangatsha!

admin

Izithakazelo zakwaMlotshwa

Makhombothi,
Ntumbeza kaNtuzi,
Cabuzela onyawo zincane, ziingaba nkulu zifuz’ekhabonina,
Khambule,
Mzilankatha, Shezi,
Magidla!

admin

Izithakazelo zakwaMagubane

Nkomose,
Dibanto, Jiyane,
Thole, Sothole
Snquma, Didiza,
Mzilankatha Ndlandla,
Nhlun’emhlophe egezwa ngobisi
Ithi ingaba bomvu kube eyomlandakazi,
Malinga owalinga amatshe aba zintaba,
Msenganduna namathokazi!